×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Araban ekiteko 2016 laguntza berriak

Share on facebook
Share on twitter
Share on linkedin
Share on whatsapp
Share on email
Xedea

ETEei, teknologia zentroei, unibertsitate zentroei, fundazioei eta enpresa elkarteei adorea eta pizgarriak ematea enpresen berrikuntza eta lehiakortasunaren hobekuntza sustatuko dituzten proiektuak edota ekintzak egin ditzaten.

Onuradunaka) Sozietate egoitza eta zerga egoitza Arabako Lurralde Historikoan duten enpresa txiki eta ertainak (ETE), beren osaera juridikoa edozein dela ere, eta gutxienez produkzio zentro bat edo zerbitzu zentro bat lurralde historikoaren barruan daukatenak. Sortu zenetik eskaera egiten duen egunera gutxienez urtebete igaro behar da.

b) Araban zerga egoitza duten autonomoak.
c) Araban produkzio edo zerbitzu zentroren bat duten teknologia edota ikerketa zentroak.
d) Araban irakaskuntza unitateren bat duten unibertsitate zentroak.
e) Sozietate eta zerga egoitza Araban duten fundazioak eta enpresa elkarteak.
ETEtzat joko dira 250 langile baino gutxiago dituzten enpresak, baldin eta urteko negozio bolumena gehienez 50 milioi eurokoa badute, edo, bestela, urteko balantzea gehienez 43 milioi eurokoa.
Ezin dira onuradun izan sozietate publikoak, ezta nortasun juridiko berekia duten baina Administrazioarenak diren erakundeak ere, Araban irakaskuntza unitateren bat duten unibertsitate zentroak izan ezik.
Enpresek eguneratuta izan behar dituzte Ogasuneko eta Gizarte Segurantzako betebeharrak.

Laguntza motaOndorengo kategoria hauetarikoren batean sar daitezkeen enpresek egindako jarduerak edota jardunak diruz lagundu ahal izango dira:

 1.Berrikuntza produktuan.
2.Berrikuntza produkzio prozesuetan.
3.Berrikuntza antolaketan.
4.Berrikuntza marketinean eta merkatuetan/Nazioartera zabaltzea.
5.Enpresarentzat berritzaileak diren beste jarduketa batzuk.
Eskatzaile bakoitzak gehienez ere 2 proiektu aurkez ditzake eta enpresarial talde baikotzak 4.
Kanpoko profesionalei, teknologia zentroei edo lanbide zerbitzuetako enpresei kontratatzen zaizkien lanetarako dirulaguntza jaso ahalko da, lan horiek enpresarentzat baliagarriak badira eta goian aipatutako jarduerak garatzen laguntzen badute.
Halaber, barruko departamentuetan proiektuak egiten direnean produktuak edo ekoizpen prozesuak ikertu eta garatzeko edota marketinean zein merkatuetan berrikuntzak egiteko, langileen gastuak dirulaguntzaren xede izan ahalko dira, baldin eta proiektu horietarako langile berriak kontratatzen badira (ikertzaileak, teknikariak edota sortzaileak).
Proiektuan kanpoko eta barruko gastuak egiten badira eta langile berririk kontratatzen ez bada, kanpoko gastuei dagokien zatia bakarrik hartuko da kontuan.
Onuradun guztiek dirulaguntza jaso ahal izango dute lan kontratuko langile berriak hartzen badituzte (ikertzaileak, teknikariak edota sortzaileak) onartutako berrikuntza proiektuak diseinatzeko, garatzeko, burutzeko edota proiektuen jarraipena eta ebaluazioa egiteko.
 
Kontratazio berriak proiektua abiarazten denetik aurrera egin beharko dira 2016. urtean, eta 2016ko irailaren 30a baino lehen, egun hori barne. Horrez gain, betekizun hauek bete behar dituzte kontratazioek:
 
– Ikertzaileak, teknikariak edota sortzaileak kontratatzea, ikasketa egokiak dituztenak kategoria horietan sailkatu ahal izateko eta berrikuntza proiektuari zuzenean lotuta dauden lanetan aritzeko.
– Kontratatzen den pertsonak enpresa edo erakundeko zuzendaritza taldeko inorekin ez izatea odoleko nahiz ezkontza bidezko lehenengo edo bigarren mailako ahaidetasunik.
– Enpresak aplikatu behar duen hitzarmenean ezarritako lan baldintzak bete beharko dira.
– Gutxienez sei hilabeteko kontratua egitea, lanaldi osokoa.
– Ezin izango da plantilla murriztu berrikuntza proiektua garatzen duten departamentuetan.
– Bat etorri behar dute kontratatutako pertsonaren ematen dituen zerbitzu edo eginkizunek eta Gizarte Segurantzako kotizazio talde edo oinarriek.
– Kontratazio berria Arabako lan zentro batean kokatzea, nazioartekotze proiektuetan izan ezik.
Kontratazio berriek Ekonomia Garapenaren Zerbitzuaren oniritzia eduki beharko dute.
 
Ez dira diruz lagunduko:
– Aktibo finkoetan (softwarean izan ezik) egiten diren inbertsioak.
– Enpresa eskatzailearen ustiapenerako makinak, ekipamenduak edo lanabesak diseinatu eta garatzeko lanak, haiek saldu dituen enpresa hornitzaileak berak egiten baditu.
– Eraikuntza proiektuak eta instalazio osagarrien proiektuak.
– Ibilgailu alokatuen eta taxien gastuak, kilometro sariak, otorduak eta telefonoa.
– Ingurumenaren gaineko azterlan edo proiektuak, baimenak lortzeko egiten badira, besteak beste, jarduera lizentziak lortzeko.
– Materialen erosketa, baita material horiek prototipoen garapenerako beharrezkoak direnean ere.
– Arabako nekazaritzako elikagaien sektorean berrikuntza sustatzeko Agro Innova lerroko laguntzak jaso ditzaketen jarduketak.
– Balio erantsiaren gaineko zerga (BEZ) eta zeharkako beste zergak, salbu eta aitorpenean BEZa kendu ezin duten onuradunen kasuan.
– Erakundeen aurrean egiten diren ziurtapenen/homologazioen kuotak edo kanonak, horiek nazioartekotze proiektu baten barruan sartuta egon ezean.
Ereduak diruz lagundu ahal izango dira, baldin eta horiek honelakoak badira:
– merkaturatuezinak,
– industria eta merkataritza ustiategia abian jarri baino lehenagokoa.
– ez izatea, geroago, enpresaren ibilgetua.
Dirulaguntza jasotzen duten proiektuen ondorioak Arabako Lurralde Historikoan aplikatu behar dira.
Laguntza eskatu ondoren garatzen diren proiektu edota gastuetarako dirulaguntza jaso ahal izango da baldin eta 2016ko abenduaren 16rako amaitzen badira.
 
Dirulaguntzak honela banatuko dira:
a) ETEei, diruz lagundu daitekeen aurrekontuaren %30 emango zaie gehienez.
b) Gainerako onuradunei, diruz lagundu daitekeen aurrekontuaren %50 gehienez.
c) Langile berriak (ikertzaileak, teknikariak edota sortzaileak) kontratatzen dituztenei, soldaten kostu gordinaren %30eraino, erakunde onuradunak ordaindu beharreko Gizarte Segurantzaren kostuak barne. Gehienez ere 3.000 euro emango dira kontratu bakoitzeko eta urteko, langilea gizonezkoa bada, edo 3.300, langilea emakumezkoa bada.
Dirulaguntzaren gehieneko mugak:
– Proiektu bakoitzeko 10.000,00 euro urtean barruko gastuetarako, kontratazio berriak kontuan hartu gabe.
– Proiektu bakoitzeko 15.000,00 euro urtean kanpoko gastuetarako, kontratazio berririk gabe.
– Proiektu bakoitzeko 9.900,00 euro urtean kontratazio berriengatik.
– Proiektu bakoitzeko 20.000,00 euro urtean kanpoko proiektuetarako, kontratazio berriak egiten direnean, eta barruko proiektuetarako, kontratazio berriak barne.
– Guztira 30.000,00 euroko dirulaguntza erakunde onuradun bakoitzeko eta urteko.

Aurkezteko tokia eta epeaArabako Foru Aldundiko Erregistro Orokorrean edo deialdian ezarritako gainerako lekuetan.

Eskaerak aurkezteko epea deialdi hau indarrean jartzen denean hasiko da eta argitaratu ondorengo egunetik 60 egun igarotakoan amaituko da.

Oinarri Orokorrak: ALHAO 36. 2012ko martxoaren 26a. www.alava.net/BOTHA/Boletines/2012/036/2012_036_01741.pdf

Berariazko Oinarriak: ALHAO 3. 2016ko urtarrilaren 11a.http://www.alava.net/botha/Boletines/2016/003/2016_003_00009_C.pdf

¿Quieres leer más artículos relacionados?

Marzo 4, 2024
La digitalización es la asignatura pendiente de muchos negocios de a pie. Por ello, hoy contamos con Cristina Terán, periodista y consultora en marketing digital.   Gaztenpresa: Cuando emprendes, parece que tienes que saberlo todo. Y muchas veces, yo me puedo identificar o puedo sentirme bien y cómoda con herramientas tecnológicas como puede ser la...
Febrero 8, 2024
GAZENPRESA: Inma, antes, fuera de micros, comentábamos que es importante descubrir que emprender no es algo trivial. Y hacías un símil que me parece muy interesante. ¿Nos lo cuentas? INMA RAMOS: Nosotras llevamos 30 años trabajando con personas que emprenden. Y muchas veces, cuando la persona emprende, es la primera vez que lo hace. Con...
Enero 15, 2024
Simon Zineck decía que el emprendimiento no es una carrera, es un viaje que nunca termina. En este viaje tenemos que llevar la mochila llena de muchas herramientas y una fundamental es la salud financiera. Arrancamos esta serie de charlas con Iñaki Ruiz de Balugera, que ha dedicado toda su carrera profesional a asesorar a...
Diciembre 13, 2023
Hablamos con Patxi Vizcaíno, que junto a Imanol Lecuona e Iñigo Gracia, han puesto en marcha Vaprest, una empresa guipuzcoana dedicada a la instalación, reparación y mantenimiento de aparatos a presión para todo tipo de sectores, desde acerías y fundiciones hasta fábricas alimentarias, pasando por hospitales, lavanderías, etc. ¿Cómo os decidisteis Imanol, Iñigo y tú...
Diciembre 4, 2023
Junto con a Beatriz Ramos y Tzibi Juaristie, Eukene Arana ha puesto en marcha una cooperativa sin ánimo de lucro que ayuda a entidades públicas y privadas a proteger, prevenir y conseguir el buen trato a la infancia y la adolescencia. Nos lo cuenta en esta entrevista. Para conoceros un poco mejor, ¿nos puedes explicar...
Noviembre 10, 2023
Hoy hablamos con Sheila Rubia, una emprendedora que, junto con su pareja, Emilio Cabrera, ha puesto en marcha en Pamplona un negocio de cocina casera para llevar. Su establecimiento se llama Pollos Asados La Abuela y, en esta entrevista, nos explica el origen de este proyecto y cómo le ha ayudado Gaztenpresa a convertirlo en...