Negozio Plan bat egiteko aholkuak - Gaztenpresa

Negozio Plan bat egiteko aholkuak

Dagoeneko badakizu zer elementu bildu behar dituen zure enpresa berriaren Negozio Planak. Dena dela, Negozio Plana idazten hasi aurretik, oinarrizko aholku batzuk hartu behar dituzu kontuan honako hauek lortzeko:

  • Baliagarria eta erakargarria izatea eta xede diren erakundeen edo pertsonen premiei erantzutea.

Hasteko, kontuan hartu behar duzu dokumentu horren helburua negozio-ideia bat zehatz-mehatz aztertzea dela. Horregatik, helburuak garbi eduki behar dira:

  • Negozio-ideia zehatz-mehatz identifikatzeko, deskribatzeko eta zehazteko balio behar du.
  • Zure negozio-ideia teknikoki bideragarria den, xede-talde bati eta merkatu jakin bati saldu ahal izango zaion eta errentagarria izango den azaldu behar du.
  • Zehatz-mehatz agertu behar ditu negozio-ideia gauzatzen lagunduko duten elementu guztiak.

Lehenik eta behin, gogoan izan Negozio Planak bi hartzaile mota nagusi dituela:

  • Enpresaren sustatzaileak: dokumentuak proiektua garatzeko, sakonean ezagutzeko eta inprobisazio-tentaldiak murrizteko gida izan behar du. Lantzeko garaian zenbat eta zorroztasun handiagoarekin jokatu, orduan eta hobea izango da emaitza.
  • Inbertitzaileak, hornitzaileak… gure negozioan konfiantza duen pertsona orok aukera izan behar du konfiantza hori hitz politak baino gauza sendoago batzuetan oinarritzeko. Negozio Plana dirulaguntzak eskatzeko eta inbertitzaileak erakartzeko garaian ahalmen horiek bermatuko dituen dokumentua izan daiteke.

Premisa horiekin, honako aholku hauek hartu behar dituzu kontuan zure Negozio Plana idazteko garaian:

  1. Sustatzaileek idatzi behar dute. Dokumentua ezin da hirugarren pertsona batzuen esku utzi. Lehenik eta behin, bultzatzaileek inork baino hobeto ezagutzen dituztelako beren ezaugarriak, espiritua, motibazioa eta abar. Eta xehetasun horiek elementu bereizgarriak izan daitezke nahi diren helburuak lortzeko garaian. Gainera, lan hori aholkularitza-enpresa espezializatu batek egiten badu, dedikazio handia eskatuko digu, eta garesti aterako zaigu.
  2. Beharrezkoa den luzera izan behar du. Enpresa-proiektu baten Negozio Planak antz handia du funtzionamendu oneko abalarekin, eta beharrezkoa den xehetasun-maila izan behar du. Horrelako dokumentu bat ezin da artifizialki mugatu, eta ezin dira ezabatu garrantzitsuak izan daitezkeen edo testuinguruan kokatzen lagun dezaketen xehetasunak. Dena dela, entziklopedia-liburuki bat ere ezin diogu aurkeztu inbertitzaile bati, erotu egingo baita. 50 folio nahikoak dira dena laburbiltzeko. Gainera, negozioaren jarraibiderik garrantzitsuenak eskaintzen dituen Egikaritze Laburpen bat txertatuko dugu.
  3. Egitura zehaztua. Dokumentuak behar bezala egituratuta egon behar du, interesdunek gehien interesatzen zaizkien alderdiak bizkor aurki ditzaten.
  4. Hizkuntza argia. Hizkuntza argia erabili behar da, irakurriko duten pertsona guztiek identifikatzeko modukoa, haien espezializazioa edozein izanik ere. Eta sinesgarria izan behar du: gure negozioaren alde onak era egokian helarazteko gai izan behar dugu. Horregatik, komeni da amaitu ondoren copy bati edo edukiak lantzen espezializatutako enpresa edo pertsona bati ematea, beharrezkoak diren ulermen- eta egitura-estandarrak gainditzen dituela ziurta dezan.

Negozio-plana Dokumentuaren egitura 

  1. Negozio-planaren azala.
  2. Edukien indizea edo taula. Planaren edukia hainbat orrialdetan egituratzeko balio du.
  3. Produktuaren edo zerbitzuaren deskribapena.
  • Zertan datzan
  • Zer premiari eta arazori erantzuten dien
  • Arazoei nola egingo dien aurre
  1. Lantaldea zehaztea
  • Negozioa zenbat pertsonak osatzen duten
  • Enpresak nolako lan-egitura duen (arloak, atxikitako langileak).
  1. Merkatu-analisia.
  • Sektorearen azterketa (zenbat enpresa lehiakide, haien bilakaera…)
  • Merkatuaren azterketa (bezeroen analisia, profila, erosteko ahalmena, erosteko motibazioak, gustuak)
  1. Negozio-eredua.
  • Produktuaren edo zerbitzuaren balio-proposamena
  • Marketin-estrategia (online eta offline, sare sozialak), merkataritza-estrategia eta salmenta-estrategia zehaztea.
  1. Finantza-plana.
  • Salmenta-prezioa eta irabazi-marjinak zehaztea.
  • Salmenten aurreikuspenak.
  • Gastuen eta sarreren aurreikuspena.
  • Finantzaketa-premiak eta amortizazio-aurreikuspena.
  1. Arriskuen azterketa
  • Negozio berrirako arriskuen eta mehatxuen ebaluazioa eta enumerazioa.
  • Arrisku eta mehatxu horiek murrizteko tresnak.

9. Inplementazio-plana.

  • Negozioa eratzeko eta abian jartzeko data.

10. Gehigarria eta eranskinak.

  • Merkatuaren azterketen eta aurkeztutako dokumentazio guztiaren aipamenak.
  • Sustatzaileen CVa.

 

Eta horretaz ari garela, ba al zenekien Gaztenpresak zure enpresa berriaren Negozio Plana prestatzen lagun diezazukeela? Sartu gure webgunean eta ikusi zuregatik egin dezakegun guztia: zure negozio-ideia zehazten lagundu, beharrezkoak diren izapideak egin, behar duzun finantzaketa bilatu eta abar.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Harpidetu blogean

Idatzi zure helbide elektronikoa, sarrera berrien jakinarazpenak jasotzeko.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?