Twitterrek zure bezeroari arreta ematen lagun diezazuke (nola egin baldin badakizu)

Twitterrek zure bezeroari arreta ematen lagun diezazuke (nola egin baldin badakizu)

Sare sozialetan egotea bezain garrantzitsua da haiek erabiltzen jakitea. Gure aholkua eskatzen duten ekintzaileak gero eta kontzienteago dira tresna horien garrantziaz. Gehienetan garbi dute egon behar dutela. Hori nola egin jakitea izaten da zailena. Gaur, Twitter bezeroen arreta-kanal bezala erabiltzen lagunduko dizugu.

Urtero, negozio bat abiarazi nahi duten ehunka ekintzaileri ematen dizkiegu aholkuak. Oinarrizko urratsetan laguntza emateaz gain, enpresa-plana edo bideragarritasun-plana prestatzen esaterako, beraiekin aztertzen dugu nola erabil ditzaketen sare sozialak. Gaztenpresan uste osoa dugu eskura ditugun errekurtso guztiak erabili behar ditugula geroz eta zailagoa den merkatu honetan abantaila lortzeko, eta horregatik, sare sozialen inguruko informazio onena ematen dizugu. Hasteko, gure blogari begirada bat eman diezaiokezu. Azken asteetan, zure enpresa sare sozialetan nola ezagutarazi erakutsi dizugu, aro digitalean ekintzaile izaten ikasteko irakurgaiak aholkatu dizkizugu eta negoziorik tradizionalenak ere komertzio elektronikoari etekina atera diezaiokeela azaldu dizugu.

Sare sozialen erabilera on batek zure bezeroek merezi duten arreta hobetzen lagun diezazuke. Azken bi urteetan, era horretako eskaerak dituzten tuitak hirukoiztu egin dira Twitterren. Publikoa gero eta zorrotzagoa da eta erabateko malgutasuna nahi du nola, non eta noiz artatua izan erabakitzeko. Errealitate hori, oztopo bat bezala baino, aukera bikain bat bezala ikustea gomendatzen dizugu. Enpresa handia zein txikia duzula ere, Twitterren azkar eta eraginkor eskaini ahal izango diezu arreta zure bezeroei. Eta denbora- eta errekurtso-esfortzu horrek fruituak emango ditu epe luzera.

Twitter ekintzaileentzat

Hauek dira sare sozial hori bezeroen arreta-kanal gisa erabiltzeak dituen abantaila nagusiak:

  • Ulertu behar duzu zure bezeroetako askok nahiago izango dutela tuit bat idaztea, telefono dei bat egitea edo zuregana joatea baino. Erantzuten badiezu eta arazoak konponduko dituzten irtenbideak ematen badizkiezu, haiekiko lotura estutuko duzu eta haiek zu gomendatzeko aukerak areagotuko. Azken finean, haiek zuri buruz ondo hitz egitea da publizitaterik onena.
  • Kostu gutxiago. Garestiagoa da bezeroei arreta zeure lantokian edo telefonoz eskaintzea, Twitter bidez eskaintzea baino. Kontuan izan, esate baterako, zeure lantokian sor daitezkeen jende-ilarak. Edo beste lan batzuk egiteko kentzen dizun denbora. Tuit batekin erantzutea askoz azkarragoa da, hutsartetan egin dezakezu eta edonon zaudela ere, mugikorraren bidez.
  • Arazo bat dudanean, berehala konpontzen didate. Hori da zure bezeroek sentituko dutena. Ezin duzu erantzuna hurrengo asterako utzi, zure bezeroak bere kabuz konpondua izango baitu daukan arazoa ordurako. Horrekin ez dugu esan nahi beti sare sozialei lotuta egon behar duzunik, baina bai arrazoizko epe bat jarri beharko duzula. Oso erabilgarriak diren hainbat tresna dituzu eskura, hala nola, Twitterreko zure biografian arreta-ordutegia adierazteko aukera.
  • Bezeroarekiko lotura. Zure enpresa gertuagokoa dela sentituko dute bezeroek eta konpainia humanizatuko dute. Zure bezeroak dauden tokian egon behar zara zeu ere, eta haietako asko Twitterren daude. Erantzuten badiezu, kontu horren atzetik ahots bat dagoela eta arreta pertsonalizatua eskaintzen diezula jakingo dute. Zure erantzunak han geldituko dira betiko eta etorkizuneko galderei erantzuteko balioko dute. Arazoa konpontzeko datu pertsonalak gestionatu behar badituzu, mezu pribatuak erabil ditzakezu.
  • Online ospea. Zure publikoa izan daitekeen horrek, zu kontratatu edo zuri zerbait erosi aurretik, zuri buruzko informazioa bilatuko du Interneten. Zure izena idatziko du bilatzaile batean eta zer jartzen duen ikusiko du. Erantzunik gabeko kontsulta mordo batek ez du zure irudi oso onik emango. Zure bezeroei laguntzeko etengabeko ahaleginak, aldiz, zure irudia indartu egingo du.

Gai honi edo ekintzailetzarekin lotutako beste edozein gairi buruzko zalantzak al dituzu? Zure negozio-ideia egi bihurtzeko laguntza behar al duzu? Gaztenpresan Euskadiko eta Nafarroako ekintzaileak babesten ditugu eta laguntza osoa eskaintzen diegu. Gurekin harremanetan jar zaitezke Facebook, Twitter eta Linkedin erabiliz. Zure zain gaude.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?