Zer da hobea, sozietate mugatua eratzea ala enpresaburu indibiduala izatea? - Gaztenpresa

Zer da hobea, sozietate mugatua eratzea ala enpresaburu indibiduala izatea?

Gaztenpresan ekintzaileari laguntzen diogu. Galdetu gure teknikariei eta aholkua emango dizugu.

Enpresa berria abian jartzen duen norbaitek hartu behar duen lehen erabakietako bat, ekimenaren bideragarritasuna aztertu ondoren, eman beharreko forma juridikoa da.

Horren inguruko galderarik ohikoenak honako hauek dira:

  • Zer da forma juridikoa?

Enpresa baten forma juridikoa hirugarrenen aurrean (administrazioaren, bezeroen eta hornitzaileen aurrean) duen legezko identifikazioa da.

  • Zenbat forma juridiko daude?

Pertsona fisikoa:

  1. Enpresaburu indibiduala (hizkera arruntean, autonomoa).

Merkataritzakoak ez diren sozietateak:

  1. Erantzukizun mugatuko enpresaburua (berria).
  2. Sozietate zibila eta ondasun-erkidegoa.

Merkataritza-sozietateak:

  1. Sozietate mugatua.
  2. Ondoz ondoko eraketako sozietate mugatua (berria).
  3. Enpresa berria sozietate mugatua.
  4. Sozietate anonimoa.
  5. Lan-sozietateak:
    • Lan elkartuko sozietate kooperatiboa.
    • Sozietate kooperatibo txikia (Euskadin).
    • Lan-sozietate mugatua.
    • Lan-sozietate anonimoa.
  6. Sozietate profesionala.

 

  • Zer galdetu behar diozu zeure buruari horietako bat aukeratu aurretik?

Galdera hori mamitsua da. Ekintzaile batzuek forma juridiko jakin bat hartzen dute lan-kostuak, tramitazio-denbora eta abar gutxitzearren. Baina, erabaki bat hartu baino lehen, enpresaren forma juridikoa baldintzatzen duten faktoreak ezagutu behar dira.

  1. Bete beharreko jarduera mota.- Begiratu ea bete nahi duzun jarduerak forma juridiko jakin bat eskatzen duen. Adibidez, frankizia batzuek enpresa sozietate mugatua izatea eskatzen dute, udalekin edo ikastetxeekin lan egin eta lehiaketetara aurkeztu nahi baduzu ere sozietate mugatua izatea eskatu ohi dute…
  2.  Negozioan parte hartuko duten pertsonen kopurua (bazkideak).- Bazkide kopuruaren arabera, aukerak aldatu egiten dira, eta jakin behar da zenbat diru jarriko duten, enpresan lan egingo duten ala ez (kapitalistak edo langileak).
  3.  Sustatzaileen erantzukizuna.- Kontuan izan beharreko alderdi garrantzitsua da. Erantzukizuna mugagabea izan daiteke, hau da, enpresaren zein pertsonen ondareari eragiten diezaioke, edo mugatua, alegia, jarritako kapitalera mugatua.
  4.  Proiektuaren behar ekonomikak.- Kontuan izan behar da ekarpena baliabide propioekin egiten den ala hirugarrenen bati finantzaketa eskatu behar zaion (bazkide gehiago, finantza-erakundeak eta abar). Horrek eragina izango du aplikatu beharreko erantzukizun motan eta, ondorioz, aukeratu beharreko forma juridikoan.
  5.  Lege-alderdiak.- Sozietateen arteko ezberdintasun nagusia zerga-ordainketan dago. Hala, autonomoek, sozietate zibilek eta ondasun-erkidegoek PFEZren bidez ordaintzen dituzte zergak eta gainerako sozietateek SOZIETATE ZERGAren bidez.

 

  •  Zein da egokiena nire negozioarentzat?

Aurreko galderei erantzun ondoren, zein aukeratuko zenuke?  Aukera bat baino gehiago aurkituko dituzu. Guztiak baliagarriak dira eta bakoitzak bere abantailak eta desabantailak ditu.

Kontuan izan behar duzu forma juridikoa ez dela erabakigarria negozio baten bideragarritasunari begira.

Jarraian, ikusitako forma juridiko bakoitzaren laburpena jasotzen duen taula aurkeztuko dizugu:

 

Gaztenpresako lantaldeak hasiera-hasieratik aholkularitza emango dizu, zure enpresa-proiektuaren arabera zer forma juridiko interesatzen zaizun erabaki dezazun. Zalantzarik baduzu, jar zaitez gurekin harremanetan telefono honetan: 900 101 143, edo helbide elektroniko honetan: info@gaztenpresa.org

 

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?