Gure ekintzaileak: Singular Ideas - Gaztenpresa

Gure ekintzaileak: Singular Ideas

Denok ikusi dugu noizbait Oscarretako galaren zati bat gutxienez, telebistaz nahiz aldizkarietako argazkien bitartez.  Saria −eskuekin ezpata bat eusten ari den eta idulki baten gainean zutik dagoen gizon burusoil baten urrezko irudia− aldatu gabe mantendu da urteetan zehar. Sari bat baino gehiago, zinemaren sinbolo bat dela esan genezake.

 

Ezinbestekoa da sari batean kirol-ekitaldi edo zinema-jaialdi baten funts guztia islatzen saiatzea, baina hori egitea ez da batere erraza. Horretan dihardu, hain zuzen, gure gaurko ekintzaileak, Javier Ojeda jaunak, Trapagaranen, autore-trofeoak, elementu korporatiboak eta ekitaldietarako pieza esklusiboak fabrikatzen baititu Singular Ideas izeneko bere tailer-estudioan.

 

Bere negozioa martxan jartzeko Gaztenpresara jo zuen, eta bertan, Singular Ideas errealitate bihurtzeko behar zuen hasierako laguntza guztia lortu zuen. Orain, bere negozioak zenbait ekitalditarako elementu esklusiboak prestatzen ditu, hala nola, Bilbao-Bilbao zikloturismo-probarako, Champions Wine ardo-lehiaketarako eta Garmin Bartzelona triatloirako.

 

Trofeo esklusiboez gain, altzari korporatiboak, hizki gorpuzdunak edo saltokiko publizitatea ere enkarga diezazkiokegu, horiek funtsezko alderdiak baitira enpresa bat sortzeko orduan. Bere beste negozio-ildoetako bat packaging deiturikoa da: izan ere, produktu baten bilgarria lehenengo erreferentzia da kontsumitzaileentzat, eta askotan, faktore erabakigarria izaten da hura erosteko orduan.

 

“Esperientziak erakutsi digun moduan, proiektu berri bakoitzarekin zerotik hasi behar da. Lan bakoitza erronka bat da diseinuari, prozesuei eta materialei dagokienez», adierazi digute Singular Ideas enpresatik. Tailer horretan beren negozio-ideia errealitate bihurtzen ausartu ziren modu berean, enpresa berri bat sortzea pentsatzen ari bazara, gurekin harremanetan jartzera animatzen zaitugu. Finantziazioa lortzeko nahiz zure negozioa sendotzeko, ondoan izango gaituzu behar duzun guztirako.

 

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?