y luego Añadir a pantalla de inicio.
“Gaztea” izan behar al dut Fundaziora jotzeko?
Ez. “Gazte” hitzak horixe adierazten duen arren, guk bultzatzen ditugun enpresak izan behar dira gazteak, baina ez horien arduradunak edo sortzaileak. Edozein adin izanda ere, guregana jo dezakezu eta zure enpresa sortzeko urrats guztietan lagunduko dizugu: ideia zehazten, negozio-plana diseinatzen, enpresa sortzeko izapideak betetzen, irekitzeko finantzaketa eskuratzen eta finkatzeko prozesua egiten.
Kosturik al du niretzat ideia bat aurkezteak?
Bat ere ez! Ez zaizu ez dirurik ez denborarik kostatuko. Negozio-ideia bat baduzu, nahikoa da guri kontatzea gure webguneko atarian aurki dezakezun galde-sorta erraza betez. Hamar minutu baino gutxiago behar dituzu horretarako eta, zure proposamena jaso eta irakurri ondoren, erantzun egingo dizugu.
Zer harreman du Gaztenpresak LABORAL Kutxarekin?
Handia. Gaztenpresa LABORAL Kutxak bere gizarte-ekintzaren esparruan garatutako ekimena da. LABORAL Kutxa kreditu-kooperatiba da eta, beraz, bere izaerarekin bat dator enpresei aurrera egiten laguntzea. Infografia honetan ikus dezakezu zehatz-mehatz nola funtzionatzen duen gure entitateak eta nola banatzen dituen irabaziak.
Eta MONDRAGONeko kooperatibekin?
LABORAL Kutxa MONDRAGON Korporazioari atxikitako kooperatiba autonomoetako bat da. Finantza-arloko kidea da eta, hain zuzen ere, kooperatibei finantzaketa eskuratzen laguntzeko helburuz jaio zen. MONDRAGONeko kooperatibak ezagutu nahi badituzu, hementxe duzu zerrenda osoa. Munduko industria-kooperatibarik handiena eta Espainiako hamar korporazio nagusietako bat da.
Zer enpresari lagundu die Gaztenpresak?
Duela 20 urte sortu zenetik, 3.000 enpresari baino gehiagori lagundu die Fundazioak. Erraz esaten da! Kasu horietako bat ezagutu nahi baduzu, hainbat alorretako ekintzaileekin grabaturiko bideo sorta ikus dezakezu:
- Serafín Palazón Fotógrafo: Argazki-estudio baten bila ari zara Bizkaian? Serafín Palazónek urte batzuk daramatza lanean bere ekimenari, talentuari eta Gaztenpresaren laguntzari esker. Hark bere negozio-ideia zehazten nola lagundu genion kontatzen du.
- Hontza Extreme: Egia esan, hainbeste urtetan era guztietako negozioak bultzatu ditugu, baita abentura-parke hau ere. Hango instalazioak eta zerbitzuak ezagutzeko bideo hau ikus dezakezu. Gaztenpresaren bidez finantzaketa lortzeko izandako esperientziaren berri izango duzu.
- Feel & Bike: Iruñean kokatutako spinning-aretoa da. Oso sistema berezia du bere bezeroak sasoian egon daitezen.
- Errotek: Galdarategi horren sustatzaileak inoren konturako langileak ziren beste enpresa batean. Enpresa ixtera zihoala jakin zutenean, haien enpresa propioa sortzen lagundu genien. Bideoan, batez ere, laguntza publikoak bilatzeko prozesua azaltzen dute.
- Los caprichos de Camile: Bilboko denda zoragarri honek arropa, dekorazioa, tresneria eta jostailuak saltzen ditu. Bideo honetan, negozioa finkatzen nola lagundu genien kontatzen dute jabeek.
