Langabezia kapitalizatzeko baldintzak - Gaztenpresa

Langabezia kapitalizatzeko baldintzak

Momentu honetan lanik gabe zaude, baina negozio bat ireki nahi duzu, zure kontura lan egiten hasi nahi duzu. Horregatik, lehen urratsak ematen lagunduko dizun hasierako kapitala lortzeko moduak aztertzen ari zara. Baina ez zara konturatu lehenengo baliabide hori erabiltzeko eskubidea duzula. Aurreko lanetan egindako ahaleginarekin zeureganatu duzu.

 

Langabezia kapitalizatzeaz hitz egiten ari gara. Zer esan nahi du horrek? Ordainketa Bakar gisa ere ezagutzen da eta, horri esker, norbere negozioa abiarazi nahi duten pertsonek ordainketa bakar batean kobratu dezakete oraindik jasotzeko duten langabezia-prestazioren zenbateko osoa edo zati bat. Hori bai, 2016an aplikatu behar diren baldintza eta berritasun batzuk ezagutu behar dituzu:

 

  • Ordaindutakoaren araberako prestazio bat izan behar duzu eta prestazio horren 3 hilabete (gutxienez) jasotzeko izan behar dituzu oraindik.
  • Azken lau urteetan eskubide hori ez erabili izana.
  • Jarduera eskubide hori onartzen denetik gehienez ere hilabete bateko epean abiarazi behar da.
  • Jarduera ez da eskaera aurkeztu den eguna baino lehen abiarazi behar.

 

Bestalde, oso garrantzitsua da langabeziaren ordainketa bakarra honako autoenplegu-jarduera hauetarako bakarrik eska daitekeela jakitea:

 

  • Jarduera bat langile autonomo gisa abiarazteko.
  • Kooperatiba batean bazkide langile edo izaera egonkorreko bazkide gisa sartzeko, kooperatiba hori lehendik egon nahiz berria izan.
  • Lan-sozietate bat sortzeko edo lehendik zegoen batean sartzeko, bazkide langile edo izaera egonkorreko bazkide gisa.
  • Merkataritza-erakunde berri bat sortzeko (SM bat, adibidez) edo aurreko 12 hilabeteetan zehar sortutako beste batean sartzeko, horren kontrola izan behar denean.

 

Baldintza orokorrak betetzen dituzula eta buruan dituzun jarduerak ere betetzen dituela ziurtatu ostean, duela urtebete baino gutxiago indarrean sartu ziren muga batzuk daudela jakin behar duzu:

 

  • Ordainketa bakarrarekin finantzatutako gastuak fakturen bidez justifikatu beharko dituzu. Ezin da erreserbarik sortu etorkizuneko gastuetarako.
  • Muga desagertu egin da eta, beraz, oraindik kobratzeko duzun langabezia-prestazioaren % 100a eska dezakezu.

 

Gainera, Gizarte Segurantzako autonomoen kotizazioari dagozkion hileko kuotak ordaintzeko erabili ahal izango duzu Ordainketa Bakarreko dirua (negozioa martxan jartzeko inbertsioa finantzatzeko erabili beharrean). Edo nahiago baduzu, bi aukerak konbina ditzakezu.

Burokraziarekin oro har gertatzen den moduan, benetan dena baino korapilatsuagoa dirudi. Dena den, arestian aipatutako baldintzak betetzen dituzula bakarrik egiaztatu behar duzu, hau da, garbi izan behar duzu langabeziako dirua jarduera bat zure kontura abiarazteko erabili nahi duzula. Horrez gain, ordainketa bakarra jaso ostean, lan-jarduera abiarazteko hilabete bat bakarrik izango duzula jakin behar duzu.

 

Argi baduzu, ez izan zalantzarik eta jarri harremanetan Lanbiderekin. Autoenplegurako lehen urratsa besterik ez da. Eta badakizu, bide osoan zehar Gaztenpresarekin harremanetan jar zaitezke 900 101 143 telefono-zenbakiaren edo info@gaztenpresa.org posta elektronikoaren bitartez. Gainera, jarraitu gaitzazu sare sozialetatik Facebook, Twitter eta Linkedin gure jarduerari eta ekintzailetzaren munduari buruz egunean egon zaitezen!

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?