Enpresentzako finantzaketa. Zein da gehien komeni zaidana? - Gaztenpresa

Enpresentzako finantzaketa. Zein da gehien komeni zaidana?

Gaztenpresak, Laboral Kutxaren bidez, hainbat finantzaketa-sistema eskaintzen dizkie enpresei. Zeure negoziorako finantzaketa-sistemarik egokienei buruzko informazioa emango dizugu.

Finantzaketa lortzeko orduan, ekintzaile edo enpresa orok, edozein tamainatakoak direla ere, oreka bilatu behar du bere baliabideen (mozkinak eta bazkideek emandako kapitala) eta besteen baliabideen (hirugarren baliabideak, hala nola finantzaketa-erakunde, bezero eta hornitzaileenak) artean.

Zaila da kanpo-finantzaketa lortzeko sistema egokia aukeratzea; izan ere, beharrezkoa da negozioaren ezaugarrietara edo lortuko den diruari eman nahi zaion erabilerara egokitzea. Horrenbestez, hainbat galderari erantzun behar zaie, finantza-produktu egokia aukeratzeko.

 

 Zeure enpresak behar duen finantzaketa-sistema zein den jakiteko galderak:

  • Zertarako behar dut finantzaketa, iraupen luzeko ondasunak erosteko ala unean-uneko likidezia-beharrei erantzuteko?
  • Badakigu zehatz-mehatz zenbat diru behar dugun ala denbora igaro ahala behar dugun kantitatea aldatu egin daiteke?
  • Zer kostu izango ditu (interesak, komisioak, etab.) maileguz emango didaten diruak?

Egoera bakoitzean zorpetze mota egokia aukeratzeko, oso garrantzitsua da zer finantzatu nahi dugun argi izatea. Izan ere, aktibo finkoetan (materialak edo ez-materialak) inbertitzeko plan bat finantzatu nahi badugu, epe luzeko finantzaketa lortu beharko genuke. Aitzitik, salgaiak erosteko edo altxortegi-desorekak zuzentzeko behar badugu finantzaketa, epe laburreko finantzaketa kontratatu beharko dugu.

Behin finantzaketa-bidea aukeratutakoan, arretaz aztertu behar ditugu zorpetze-eragiketetako aldagaiak. Esaterako, garrantzitsua da finantzaketa-beharrak zehatz-mehatz kuantifikatzea (zenbat diru eskatuko den), aurreikusitako inbertsio guztiari aurre egin ahal izateko edo erabili gabeko kantitatearengatik interesik ez ordaintzeko.

Halaber, eskuratutako baliabideak noizko itzuli ahal izango diren kontuan hartzea ere oinarrizkoa da. Hau da, berankortasuna saihestu behar da, oso garestia eta arriskutsua baita. Bada kontuan izan beharreko beste gauza bat ere: finantzaketaren kostua.

Enpresa baten finantzaketa-eragiketek zenbait kostu dakartzate: interesak, irekitze-komisioak, ez erabiltzeagatiko komisioak, garaiz aurretik kitatzeagatiko komisioak, artekaritza-gastuak etab. Ildo horretan, interesak dira bereziki kontuan hartu beharrekoak, hots, finantza-erakundeak zer preziotan ematen digun dirua. Prezio hori finkoa eta/edo aldakorra izan daiteke:

  • Interes finkoa ez da aldatzen eragiketak dirauen bitartean.
  • Interes aldakorra merkatuaren joeraren arabera aldatzen da, indize ofizialei lotuta baitago. Euriborra da interes horietan erabiliena.

Gaur egun, merkatuak hainbat finantzaketa-formula eskaintzen dizkie enpresei eta profesionalei. Maileguak eta kredituak dira ezagunenak. Finantza-erakundeek oro har eskaintzen dituzten tresnak dira, baina zertan dira desberdinak maileguak eta kredituak? Noiz egin behar da baten alde eta noiz bestearen alde?

Gaztenpresan zure enpresarentzako finantzaketarik interesgarriena erabakitzen lagunduko dizugu. Hitz egingo dugu?

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?