Telefonoa salmenta-tresna boteretsu bihurtzeko aholkuak - Gaztenpresa

Telefonoa salmenta-tresna boteretsu bihurtzeko aholkuak

Telefono bat duzu, produktu bat… Eta sekulako dohain komertzialak. Orain… saltzea bakarrik falta zaizu!

Telefonoa salmenta-tresna boteretsua izan da, da eta izango da.

Egunero, mailing, display, Social Media Marketing, Search Engine Marketing eta beste kanpaina batzuekin borrokatu behar izaten badugu ere… askotan telefonoa erabiltzen dugu gure bezeroekin lehen aldiz harremanetan jartzeko.

Dena da osagarria; izan ere, offline marketina erreminta digitalekin konbinatzen duen estrategia da guztietan onena. Batez ere emaitza horri dohain komertzial egokiak gehitzen badizkiogu.

Horrenbestez, zure enpresaren salmentak suspertu nahi badituzu, har itzazu kontuan aholku sinple batzuk, hartu bihotz eta hasi deiak egiten.

Deiak, hotzean

“Ez, orain ez dut denborarik… bidal iezadazu informazioa posta elektronikoz eta esango dizut zerbait”.

Zenbat aldiz uste duzu entzuten duela hori edozein salmenta-agentek? Bai, gehiegitan.

Eta, badakizu zein den desberdintasuna salmenten mundura iritsi berri den pertsona baten eta dagoeneko ofizio apur bat duen beste baten artean? Bada, hori entzun ostean, lehenengoa izutu egingo dela, behin eta berriz barkamena eskatuko duela eta informazioa posta elektronikoz bidaltzera mugatuko dela. Bigarrenak, berriz, honako hau erantzungo dio: “Bai, noski, baina zuk behar duzuna bidaltzen dizudala ziurtatzeko…” eta bezero potentzialak arretaz entzungo dizkio produktuaren indarguneak, aurrez aurreko lehen hitzordua itxi arte.

Dei bat hotzean egin eta merkataritzarako dohain horiez baliatu aurretik, zenbait gauza izan behar dituzu kontuan:

  • Ondo aukeratu. Telefonoa ez esekitzeko lehen urratsa zure bezeroak ondo aukeratzea da. Eta, horretarako, ikertu egin behar dituzu. Bai, bisitatu haien profil sozialak eta profesionalak, haien gustuak eta premiak ezagutzeko.
  • Telefonoa hartu aurretik, uxatu beldur guztia. Bestela, ez egin deia. Hartu bihotz eta ez pentsatu dena gaizki joango dela: joan zaitez urratsez urrats, eta lortu helburu txikiak elkarrizketa bakoitzean.
  • Bereganatu bitartekariaren konfiantza; hori lortzen baduzu, azken bezeroarekin hitz egiten amaituko duzu.
  • Produkturik onena duzu… eta badakizu. Norbaiti deitzen badiozu, hark zure zerbitzua behar duela uste duzulako da. Horrela ez bada, ez arduratu.
  • Tematu zaitez. Bazenekien salmenta gehienak egiteko bost aldiz deitu behar izaten dela? Ez izan beldurrik berriz deitzeko.

 

Deiak, beroan

Norbaitek zure webgunea bisitatzen duenean eta zerbitzu baten inguruko informazioa eskatzen duenean, ez izan zalantzarik: ahal baduzu, ikertu haren breadcrumb-a zure webgunean, zer bilatu duen jakiteko, hartu telefonoa eta dei iezaiozu.

Gainera, zure webguneko informazio-inprimakia bete badu, are hobeto: garrasika esan dizu zerbitzu zehatz baten bila dabilela eta, beharbada, zuk zerbitzu hori eskain diezaiokezula.

Gauza bera gertatzen da bezero potentzial batek zuk bidali diozun mezu elektronikoa ireki duela ikusten duzunean: ez utzi salmentari ihes egiten, dagoeneko erdia eginda baitago. Zorroztu ahalik eta gehien zure dohain komertzialak harengana iristeko, esaiozu dituen zalantzak galdetzeko eta argi itzazu.

Ikus dezakezun moduan, iraultza digital betean egon arren, telefonoak ezinbesteko tresna izaten jarraitzen du edozein salmenta-estrategiatan; beraz, bihur ezazu zure aliatu eta prestatu zaitez saltzeko.

Eta gogoratu, Gaztenpresan, aholkularitza eta laguntza eskaintzen dizkizugula zure enpresa sortu eta zure negozioa sendotzeko orduan. Zain gaituzu!

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?