Negozio txikiak: nola aurre egin krisiari - Gaztenpresa

Negozio txikiak: nola aurre egin krisiari

Krisi garaiotan enpresari garenez, erabakiak hartu beharrean gaude. Horrelako egoeran, gastuak kentzeko moduari erreparatu ohi diogu lehenik eta behin, ekonomikoki lasaiago egoteko eta zailtasunei aurre egin ahal izateko. Jakina, murrizketa hori beharrezkoak ez diren gauzetan egiten bada ez da askorik antzemango eta ona izango da, baina… kontuz ibili behar dugu guraizeak gehiegi ez astintzeko, izan ere, helburua ez baita murriztea, egoera berrira egokitzea baino. Ez dugu ahaztu behar negozioak, bizirauteko, jarduera aurrera eramateko gaitasun nahikoa izan behar duela. Ez ditugu ukitu behar jardueraren funtsezko alderdiak, modu horretan jarduera ahulduko bada, izan ere, jokabide horrek epe luzera desagertzea ekarriko baitu.

Artikulu honetan, salmentak areagotzeko eta gastuak aurrezteko aholku batzuk eskainiko dizkizugu. Hasteko, Javier Panzanok bere IDEOBLOGIA blogean argitaratutako sarrera interesgarria irakurtzea gomendatzen dizuegu. LIDERA metodoari buruz hitz egiten du bertan, alegia txikiaren bidez. Jarraian duzue horren esteka. Metodo hori REVISIÓN INTERIOR blogean dago jasota.

Fakturazioa areagotzeko neurriak betikoak badira ere, eraginkorrak dira. Kasu honetan hizpide izango ditugu teknologia berrien erabilera, produktu esklusiboen negoziazioa, finantza-baldintzak hobetzea, lan horretarako langile kualifikatuak izatea (adeitasuna, zerbitzua, ezagutza teknikoak, etab.), etxez etxeko banaketa egitea, komunikazio-estrategia egokiari eustea eta denda txikiek ondo ezagutzen dituzten bestelako ekintza batzuk, azken finean bezeroaren nahiei aurrea hartzeko gaitasuna eta jarrera komertziala sustatzera bideratuta daudenak, modu horretan bezeroak gogobetetzeko eta baita haien igurikimenak gainditzeko ere.

Nolanahi ere, esan beharra dago azken neurri horiek ez dituztela bakarrik denda txikien arazoak konpontzen, ia enpresa guztienak baizik. Beraz, denda txikiek, beti era bateratuan lan eginaz, euren lehiarako abantailak asmatu beharko dituzte, eta ostalariekin, parkingekin, haurtzaindegiekin eta abarrekin akordioetara iritsi, bakoitzaren kokapena kontuan hartuta, noski.

 

Easycut:nola eskuratu zure negoziorako likidezia

Easycut-ek, low-cost ile-apaindegien kateak, easyCheck izeneko txeke-liburuxkak kaleratu zituen 2009an, non zerbitzuak paketetan eskaintzen dituzten, 12 aldiz erabiltzeko txeke-liburuxketan. Horrela, bezeroak preziorik onena lortzen du eta enpresak aurrez kobratzen du bestela hainbat hilabetetan zehar kobratuko lukeen dirua. Gainera, txeke-liburuxkak ile-apaindegira maizago joatea sustatzen du eta bezero berriak erakartzeko aukera ematen du. Erosi eta merkeago ateratzen bazaie, bezeroak sarriago joaten dira. Era berean, txekeetako batzuk lagunei eta senitartekoei opari diezaiekete, eta horrela, bezeroen oinarria zabaldu egingo da.

 

Negozio-ideiaren bat duzula? Esaguzu. Gaztenpresan Euskadiko eta Nafarroako ekintzaileei laguntzen diegu urtero, euren enpresa-proiektuak aurrera atera ditzaten.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?