“Mentorea paraxutaren antzekoa da, konfiantzaz jauzi egiteko ausardia ematen dizu” - Gaztenpresa

“Mentorea paraxutaren antzekoa da, konfiantzaz jauzi egiteko ausardia ematen dizu”

Ekintzailetasunaren eremuan bazabiltza –edo horretara hurbiltzen ari bazara–, mentoringari buruzkoak entzungo zenituen, seguru. Etorkizunean ekintzaile izango direnei prozesu osoan zehar orientazioa eskaintzen dieten profesionalak ardatz dituen programa da. Gaztenpresako mentore Pablo Bringas Velezen esanetan, funtsezko figura da enpresa bat sortzeko orduan. Gaur mentoringaz mintzatuko zaigu, eta Youth Business Spain sare osoarekin partekatzen dugun programa horren barruan egunero egiten duen lanaz.    

 

Gaztenpresa bloga:  Zer da mentoringa?

 

Pablo Bringas: Enpresa-eskarmentua dugun lagunok etorkizuneko ekintzaileei ematen diegun laguntza erabat altruista da. Gure egitekoen artean dago haiei beren negozioaren lehen hilabeteetan laguntzea, konfiantza sustatzeko eta ideiak funtziona dezan, hori guztia inongo kosturik gabe.

Gestionatzeko orduan autonomoak izatea nahi dugu, motibatuta jarraitzea, eta gauzak guztiz ondo ez doazenean egoera lehenbailehen birbideratzeko gai izatea, betiere lanpostua finkatzeko eta lanpostu gehiago sortzeko hazten jarraitzeko.

Gure jarduna ez da aholkulariena, hau da, arazoei erantzunak ematea; elkarrekin hausnarketa egiten dugu beren erantzunak aurki ditzaten.

 

B.G: Zergatik egin zenuen bat Mentoring programarekin?

 

P.B: Zoriontsuago naiz probetxuzkoa eta konprometitua sentitzen banaiz. Ikasi dudanaren zati bat gazteei itzultzeko erantzukizuna sentitzen dut, beren garapenean laguntzeko eta, gainera, enplegua eta aberastasuna sortzeko helburu jakinarekin.

 

B.G: Zein da mentorearen ekarpena ekiteko bide horretan?

 

P.B: Gure helburua etorkizuneko ekintzaileei laguntzea da, beren lanpostua finkatu dezaten, beren proiektua bideragarria eta errentagarria izan dadin.

Beren enpresa-irizpidea sortzen irakasten diegu, iritziak alderatzen eta ikuspegiak eraikitzen laguntzen diegu, eta hori guztia ikuspuntu kritiko, zorrotz eta profesionala kontuan hartuta, batzuetan hurbilekoek –inplikatuta daudelako– eman ezin dieten ikuspuntua, alegia.

Enpresa gestionatzeko orduan beren buruarekiko duten konfiantza hobetzeko eta etorkizunari buruzko zalantza-sentipena gutxitzeko lagungarri zaie mentoringa.

Mentorea paraxutaren antzekoa da, konfiantzaz jauzi egiteko ausardia ematen dizu, babestuta zaudela sentitzen baituzu.

 

B.G: Kasuren bat nabarmendu nahi al duzu?

 

P.B: Gaur egun mentoring-harremana dut David Mayoralekin, anaiarekin batera Erle Robotics enpresaren sortzaile denarekin.  Proiektu paregabea da, enpresan kode irekia duten burmuin robotikoen belaunaldi berria eraikitzen ari dira, enpresetako industria-prozesuetan aplikatzeko, bai hezkuntzaren esparruan, bai ikerketa eta berrikuntzarenean.

Urtebetean 16 lanpostu berri sortu dituzte, milioi erdi euroko fakturaziora iritsi dira, enpresa handiekin kontratuak sinatu dituzte eta nazioarte mailako etorkizun handiko Start up-en artean daude, espezializatutako hainbat fororen arabera.

 

B.G: Zein dira mentoreak izan behar dituen funtsezko gaitasunak?

 

P.B: Ez da nahikoa ekintzailetasunaren munduan edo enpresa-gestioan eskarmentua izatea. Iaioa izan behar da ekintzailearen konfiantza bereganatzen, komunikaziorako eta taldean lan egiteko gaitasunak oso garatuta eduki behar dira, eta, noski, enpatia eta aktiboki entzuteko gaitasuna ere bai.

Mentoreak itxaropena pizten duen jarrera motibatzailea eta erronkaria izan behar du, moldakorra baina asertiboa; kritikoa ere izan behar da, potentzial osoa garatu ahal izateko.

Mentoreak aukerak sortzen ditu; proaktiboa izan behar da horiek antzemateko, beharrei aurrea hartzeko eta jarduteko lehentasunak finkatzen laguntzeko.

 

B.G: Nola animatuko zenituzke zure antzeko profesionalak mentore izateko?

 

P.B: Mentore izatea aukera bikaina da hazten jarraitzeko eta lidergorako eta enpresa-gestiorako gaitasunak hobetzeko. Asko ikasten da pertsonengandik eta haien proiektuetatik, eta merkatu-adimenak, ikuspegiak eta estrategiak partekatzen dira.

Nik beti diot ondoen ordaindutako lana dela. Jasotzen den soldata emozionala izugarria da, bai eta norbere gogobetetasuna ere, borondatezko konpromiso altruista baita.

Mentoringa hobeto ezagutzeko gonbita egiten dizuet. Konprometitzea atsegin baduzue asko gozatuko duzue, eta mundu hobea eta zoriontsuagoa sortzen lagunduko dugu.

 

Konbentzitu al zaitu? Hala bada, egizu bat programarekin.

Iruzkinak 0

Utzi iruzkin bat

Zure e-posta helbidea ez da argitaratuko. Beharrezko eremuak * markatuta daude

*

HARPIDETU

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies

Log in with your credentials

Forgot your details?